സ്വര്‍ണവില 70,000 രൂപയിലേക്ക്; മൂന്ന് ദിവസത്തിനിടെ 4000 രൂപയുടെ വര്‍ധന
കൊച്ചി: സംസ്ഥാനത്ത് സ്വര്‍ണവില റെക്കോര്‍ഡുകള്‍ ഭേദിച്ച് മുന്നേറുന്നത് തുടരുന്നു. സ്വര്‍ണവില 70,000ലേക്കാണ് കുതിക്കുന്നത്. ഇന്ന് പവന് 1480 രൂപ കൂടിയതോടെയാണ് സ്വര്‍ണവില പുതിയ ഉയരം കുറിച്ചത്. ഇതോടെ ഒരു പവന് സ്വര്‍ണത്തിന്റെ വില 69,960 രൂപയായി ഉയര്‍ന്നു. ഗ്രാമിന് ₹185യുടെ വര്‍ധനയോടെ ഗ്രാമിന്റെ വില ₹8745 ആയി. മൂന്ന് ദിവസത്തിനിടെ സ്വര്‍ണവിലയില്‍ ₹4000ലധികം വര്‍ധനയാണ് ഉണ്ടായത്. ഇന്നലെ മാത്രം വില ₹2160 ഉയര്‍ന്നിരുന്നു. രാജ്യാന്തര വിപണിയിലെയും ഓഹരി വിപണിയിലെയും അതിവേഗ മാറ്റങ്ങള്‍, സുരക്ഷിത നിക്ഷേപത്തിന്‍റെ ആവശ്യം തുടങ്ങിയവയാണ് പ്രധാനകാരണം. പതിനെട്ടാം തീയതിയിലാണ് സ്വര്‍ണവില ആദ്യമായി ₹66,000 തൊട്ടത്. തുടര്‍ച്ചയായ അഞ്ച് ദിവസത്തെ വിലയിടിവിനുശേഷമായിരുന്നു ഈ വര്‍ധന ആരംഭിച്ചത്. ഇതിനുമുന്‍പ്, ജനുവരി 22നാണ് സ്വര്‍ണവില ചരിത്രത്തില്‍ ആദ്യമായി ₹60,000 കടന്നത്.
About The Author
mk28
